SAHAR

یہ خط ارسال کیا ہے پاکستان کے صوبے سندھ کے شہر سکھر سے مرتضائی محمد مٹھل شنبانی صاحب نے وہ لکھتے کہ

ریڈیو تہران کی نشریات پابندی کے ساتھ سنی جاری ہے میں ہی نہیں ہمارے گاؤں کے بہت سے لوگ ریڈیو تہران کی نشریات پابندی کے ساتھ سنتے ہیں اور اپنے پہلے والے خط میں بھی ذکر کرچکا ہوں کہ آواز کی کیفیت ہمارا علاقے میں قدرے بہتر رہتی ہے اور آواز بھی صاف و شفاف سنائی دیتی ہے کبھی کبھی آواز میں اتار چڑاؤ آجاتا ہے لیکن مجموعی طور پر آواز صاف ہے ، میرا گذشتہ خط کا آپ نے نہایت محبت سے جواب دیا میرا اور میرے تمام اہل خانہ کا دل بہت خوش ہوا میں نے بزم دوستاں کو کاپی کر کے ایم پی تھری کر کے اپنے دوستوں کو بھی بھیجا ہے ان کو بھی یہ پروگرام بہت اچھا لگا۔ ویسے ریڈیو تہران کے سب ہی پروگرام بہت اچھے ہیں اور ہمیں بہت پسند ہیں میرے تمام گھر والے ریڈیو تہران کی نشریات سنتے ہیں میں نے پہلے بھی ذکر کیا تھا کہ میں ایک اسکول ٹیچر ہوں اور بچوں کی تعلیم و تربیت سے میرا تعلق ہے ہمارے یہاں امکانات بہت کم ہوتے ہیں لائبریری وغیر کا تو دور دور بھی کوئی نام و نشان نہیں ہے میرا پاس اپنی ذاتی کتابیں ہیں جو میں نے خود جمع کی ہیں آپ سے گزارش ہے کہ اس حوالے سے ہماری مدد کریں اور اسلامی کتب یا لٹریچر وغیر ہ ارسال کریں ایک زمانہ تھا جب آپ ہمیں لٹریچر بھی بھیجا کرتے تھے اب یہ سلسلہ ختم ہوگيا ہے امید ہے لٹریچر کے سلسلے کو بحال فرمائیں گے۔