SAHAR

یہ خط ارسال کیا ہے یاور شیرازی صاحب نے

سلام کے بعد لکھا ہے کہ سب سے پہلے میں ایران کے اسلامی انقلاب کی 43 ویں سالگرہ پر مبارک باد پیش کرتا ھوں ایران میں یکم فروری سے گیارہ فروری تک عشرہ فجر منایا جاتا ھے جس کے حوالے سے ہم نے  ریڈیو تہران کے خصوصی پروگرامز سننے بہت پسند آئے۔ میں پورے یقین کے ساتھ یہ کہتا ھوں کہ دنیا کے دیگر انقلاب کے مقابلے میں ایران کے اسلامی انقلاب کی خصوصیات میں سے ایک اس کا مذہبی سیاسی اور اجتماعی اور جمہوری ہونا ہے۔ اس نے معاشرے کو دین و مذہب کی جانب گامزن کیا یہ انقلاب ایسے وقت میں رونما ھوا کہ جب بہت سے شعبوں میں مذہب و دین کمزور پڑ چکے تھے یا ان کو کمزور کیا جا رہا تھا ایران کا اسلامی انقلاب جہاں عوام پر عوام کی حکومت کا مظہر ھے وہیں پوری دنیا پر اللہ کی حکمرانی پر پورا یقین رکھتا ھے یہ انقلاب ایک ایسے ملک میں آیا جو اقتصادی اور فوجی لحاظ سے بہت ھی مضبوط تھا ۔

اس انقلاب کے بانی نئی روح پھونکنے والے مرد انقلاب سید روح اللہ  امام خمینی تھے جنہوں نے اپنی کوششوں سے اپنی قوم کو سعادت و خوشبختی سے ہمکنار کرایا ۔

میں ایک بار پھر اپنی طرف سے ایران کے اسلامی انقلاب کی تیتالیسویں سالگرہ کی مناسبت سے مبارک باد پیش کرتا ھوں۔