SAHAR

یہ خط ارسال کیا ہے علی محمد ڈنو صاحب نے پاکستان کے صوبے بلوچستان کے شہر مچھ سے

لکھتے ہیں اس سے پہلے بھی پابندی کے ساتھ خط ارسال کرتا رہا ہوں اور آپ کی طرف سے محبت بھرے جواب کے بعد ہمیشہ یہ دل چاہتا ہے کہ آپ کے لئے خط تحریر کروں لیکن میری مصروفیات کچھ ایسی ہیں جس کی وجہ سے یہ ممکن نہیں ہوپاتا، میں اسکول میں ٹیچر ہوں۔ سارے پروگرام اچھے جارہے ہیں ریڈیو تہران کی نشریات میں ایک تسلسل ہے جو مجھے بہت پسند ہے اور ہر پروگرام اپنے اندر معلومات کا خزانہ رکھتا ہے چاہے وہ یادوں کے جھروکے ہو یا آج کا ایران آئینہ صحافت ہو یا اسلامی شخصیات ، آس پاس ہو یا انداز جہان کس کس پروگرام کے نام لوں مجھے مجموعی طور پر ریڈیو تہران کے ہر پروگرام کو سننے میں مزہ آتا ہے، آپ کی نشریات اب میں موبائل ویب کے ذریعے سنتا ہوں آواز کی کیفیت نہایت ہی اچھی ہوتی ہے ویسے میرے پاس ریڈیو بھی ہے لیکن ریڈیو کی آواز کبھی کبھار کافی خراب ہوجاتی ہے، سب دوستوں کو سلام میرے خط کو پروگرام بزم دوستاں میں ضرور شامل کیجیئے گا۔