SAHAR

یہ خط ارسال کیا ہے پاکستان کے صوبے سندھ کے شہر ٹنڈو جام سے مظفرعلی خاصخیلی صاحب نے لکھتے ہیں کہ

کافی دنوں کے بعد خط تحریر کررہا ہوں بیٹے امیر علی نے بھی آپ کو خط تحریر کیا تھا جسے آپ نے بزم دوستاں میں شامل کر کے بچے کی حوصلہ افزائی فرمائی ۔ ریڈیو تہران کے پروگرام سن رہا ہوں اب صبح کی نشریات پابندی سے اور شام اور رات کی نشریات وقفے وقفے سے سنی جارہی ہیں صبح کی نشریات میں آواز صاف و شفاف ہوتی ہے جبکہ شام اور رات کی نشریات میں شور ہوتا ہے لیکن قابل سماعت ہوتی ہے، پروگرام یادوں کے جھروکے سن رہا تھا جس میں ماضی میں پیش آنے والے واقعات کا ذکر ہوتا ہے واقعا ایک بہت ہی مفید پروگرام ہے جو صرف ریڈیو تہران سے ہی نشر ہوتا ہے جس میں عظیم لوگوں کے حالات زندگی اور ماضی کے واقعات کو بیان کیا جاتا ہے، صبح کی نشریات میں حالات حاضرہ کے پروگرام انداز جہاں میں امام خمینی رح کی برسی کے ایام میں بہترین گفتگو پیش کی گئی  جبکہ امام خمینی رح کی برسی کی مناسبت سے خصوصی پروگرام بھی بہت اچھے تھے اس کے علاوہ حضرت معصومہ قم س اور امام علی رضا ع کی ولادت باسعادت کی مناسبت سے پروگرام بھی بہت اچھے تھے۔ ریڈیو تہران کے اسٹاف کو میرا خلوص بھرا سلام۔