چین کا ہندوستان سے احتجاج
Dec ۰۷, ۲۰۱۷ ۱۳:۴۸ Asia/Tehran
ہندوستان کے ڈرون طیارے کی جانب سے چینی حدود کی خلاف ورزی پر بیجنگ نے نئی دہلی سے احتجاج کیا ہے۔
چین کے ایک اعلی فوجی عہدیدار زانگ شویلی نے جمعرات کے روز کہا ہے کہ ہندوستان کا یہ اقدام چین کی ارضی سالمیت کے خلاف ہے۔
انھوں نے کہا کہ چین کی فوج اپنے ملک کی ارضی سالمیت اور قومی سلامتی کے دفاع کے لئے ٹھوس اقدام کرے گی۔
البتہ انھوں نے چین کے علاقے میں ہندوستان کا ڈرون طیارہ گر کر تباہ ہونے کے مقام اور وقت کی طرف کوئی اشارہ نہیں کیا۔
اس سے قبل چین کے سرکاری ذرائع ابلاغ نے اعلان کیا تھا کہ چین کی فوج نے اپنے ملک کے علاقے میں ہندوستان کا ایک ڈرون طیارہ مار گرایا ہے۔