Aug ۳۰, ۲۰۱۵ ۱۸:۳۹ Asia/Tehran
  • عراق کی عوامی رضاکار فورس
    عراق کی عوامی رضاکار فورس

عراق کی عوامی رضاکار فورس کے ترجمان نے کہا ہے کہ دہشت گردی سے کامیاب مقابلے میں یہ فورس تمام مزاحمتی تحریکوں کے لئے ایک نمونہ عمل ہے۔

دہشت گردی اور داعش تکفیری گروہ سے مقابلے میں عوامی رضاکار فورس کے مرکزی کردار کی حمایت کے موضوع پر ہونے والی کانفرنس کے دوران عراق کی عوامی رضاکار فورس کے ترجمان احمد الاسدی نے کہا کہ اس فورس نے فوج کے تعاون سے داعش دہشت گردوں کے خلاف متعدد کامیابیاں حاصل کی ہیں جو دنیا کی تمام مزاحمتی فورسز کے لئے نمونہ عمل ثابت ہو سکتی ہیں۔

احمد الاسدی نے کہا کہ عراق کی عوامی رضاکار فورس اور دنیا کی دیگر افواج کے درمیان اصل فرق، وہ مذہبی ہدایات ہیں کہ جن پر یہ فورس عمل کرتی ہے۔ انہوں نے کہا کہ عراق کی عوامی رضاکار فورس نہ صرف داعش اور دیگر دہشت گرد گروہوں کا مقابلہ کرنے کے فرائض انجام دے رہی ہے، بلکہ ہر اس تسلط پسند طاقت کے مقابلے میں سیسہ پلائی ہوئی دیوار کی مانند ہے جو عراق کے امور میں مداخلت کرنا چاہتی ہے۔

ٹیگس

کمنٹس