یمنی فوج کی جانب سے سعودی جارحیت کا جواب
Jul ۱۷, ۲۰۱۷ ۱۵:۲۸ Asia/Tehran
یمنی فوج نے سعودی عرب کی جارحیت کے جواب میں اس ملک کے سرحدی علاقے واقع فوجی مراکز پر گولہ باری کر کے کئی سعودی فوجیوں کو ہلاک کر دیا۔
یمن کے المسیرہ ٹی وی کی رپورٹ کے مطابق یمنی قوم کے خلاف سعودی عرب کی آل سعود حکومت کی وحشیانہ جارحیت کے جواب میں یمنی فوج نے جنوبی سعودی عرب کے علاقے المقطابہ میں سعودی فوجی ٹھکانوں پر گولہ باری کی۔
یمنی فوج کے توپ خانے نے جیزان کے علاقے میں الخرشب فوجی اڈے کو بھی نشانہ بنایا۔ ان حملوں میں دسیوں سعودی فوجی ہلاک و زخمی ہوئے۔
واضح رہے کہ سعودی عرب کی آل سعود حکومت مارچ دو ہزار پندرہ سے یمنی عوام کو اپنی وحشیانہ جارحیت کا نشانہ بنائے ہوئے جس میں اب تک دسیوں ہزار یمنی شہری شہید و زخمی ہو چکے ہیں۔