• سعودی فوجی اہداف پر یمنی فوج کا میزائل حملہ

یمنی فوج اور عوامی رضاکار فورس کے میزائل یونٹ نے جنوبی سعودی عرب میں قائم ملک فیصل نامی آرمی کمپلیکس کو میزائل حملوں کا نشانہ بنایا ہے۔

یمنی فوج نے اعلان کیا ہے کہ ملک فیصل نامی آرمی کمپلیکس  پر مقامی سطح پر تیار کیے جانے والے بدر ایک میزائل سے حملہ کیا جس میں سعودی فوج کا بھاری جانی اور مالی نقصان ہوا ہے۔یمنی فوج کے میزائل نے جمعرات کو بھی جنوبی سعودی عرب میں واقع صنعتی علاقے کو نشانہ بنایا تھا۔یمن کی اعلی سیاسی کونسل کے چیئرمین صالح صماد نے گزشتہ پیر کو خبر دار کیا تھا کہ رواں سال کے دوران سعودی جارحیت کے جواب میں میزائلوں کی بارش کی جائے گی۔قبل ازیں یمنی فوج کے ترجمان بریگیڈیئر شرف لقمان نے بھی کہا تھا کہ ہمارے میزائل یونٹ سعودی عرب کے فوجی اہداف اور صنعتی تنصیبات کو نشانہ بنانے کی پوری توانائی رکھتے ہیں۔سعودی عرب اور اس کے اتحادیوں کی جانب سے محاصرے اور پابندیوں کے باوجود یمنی فوج کی دفاعی طاقت میں روز بروز اضافہ ہوتا جارہا ہے۔

Apr ۱۴, ۲۰۱۸ ۱۸:۰۰ Asia/Tehran
کمنٹس