SAHAR

میڈیا رپورٹوں کے مطابق ایک لاکھ سے زائد فلسطینیوں نے اتوار کی صبح مسجد الاقصی اور اس کے اطراف کی سڑکوں اور گلیوں میں عیدالضحی کی نماز ادا کی۔عینی شاہدین کے مطابق غاصب صہیونی فوجیوں نے اس موقع پر باب المغاربہ کے سامنے مورچہ بندی کی کوشش کی جسے فسطینیوں نے ناکام بنادیا۔ فلسطینیوں اور صیہونی فوجیوں کے درمیان ہونے والی جھڑپوں میں سیکڑوں فلسطینی زخمی ہوگئے۔ زخمیوں میں بیت المقدس کی اسلامی وقف کونسل کے سربراہ عبدالعظیم سلھب بھی شامل ہیں۔دوسری جانب اسلامی مزاحمتی تحریک حماس کے ترجمان نے فلسطینی شہریوں سے مسجد الاقصی کے دفاع اور صہیونیوں کے ہاتھوں اس مقدس مقام کی بے حرمتی روکنے کے لیے بیت المقدس شہر پہنچنے کی اپیل کی ہے۔حماس کے ترجمان حازم القاسم نے کہا ہے کہ بیت المقدس فلسطین کا حصہ باقی رہے گا اور غاصب صیہونی حکومت اس حقیقت کو تبدیل نہیں کر سکتی۔