Feb ۲۰, ۲۰۲۰ ۱۰:۲۵ Asia/Tehran
  • یمن پر سعودی جارحیت کا سلسلہ جاری

سعودی عرب نے جنگ بندی کی خلاف ورزی کرتے ہوئے یمن کے شہر الحدیدہ پر ایک مرتبہ پھر حملہ کیا ہے۔

المسیرہ ٹیلی ویژن چینل کی رپورٹ کے مطابق سعودی  توپخانوں سے الجبلیہ کے علاقے پر 43 گولے داغے گئے۔

مقامی ذرائع کا کہنا ہے کہ محاصرہ شدہ علاقے الدریهمی میں سعودی جارحیت کے نتیجے میں کئی رہائشی مکانات کو نقصان پہنچا ہے۔ جبکہ سعودی جارحین نے الشجن علاقے پر بھی گولہ باری کی ہے۔

سعودی عرب نے امریکا اور اسرائیل کی حمایت  سے اور اتحادی ملکوں کے ساتھ مل کر چھبیس مارچ دوہزار پندرہ سے یمن پر وحشیانہ جارحیتوں کا سلسلہ شروع کر رکھا ہے ۔ اس دوران سعودی حملوں میں دسیوں ہزار یمنی شہری شہید اور زخمی ہوئے ہیں جبکہ دسیوں لاکھ یمنی باشندے اپنے گھر بار چھوڑنے پر مجبور ہوئے ہیں ۔

یمن کا محاصرہ جاری رہنے کی وجہ سے یمنی عوام کو شدید غذائی قلت اور طبی سہولتوں اور دواؤں کے فقدان کا سامنا ہے ۔

 سعودی عرب نے غریب اسلامی ملک یمن کی بیشتر بنیادی تنصیبات اسپتال اور حتی مسجدوں کو بھی شہید کردیا ہے لیکن اس کے باوجود سعودی عرب یمن پر مسلط کردہ جنگ میں اپنے اہداف تک پہنچنے میں بری طرح ناکام رہا ہے۔ 

ٹیگس

کمنٹس