• کوئٹہ میں فائرنگ سے 2 پولیس اہلکار جاں بحق

کوئٹہ کے سریاب روڈ پر نامعلوم افراد کی فائرنگ سے 2 پولیس اہلکار جاں بحق جبکہ ایک زخمی ہوگیا۔

کوئٹہ سے ہمارے نمائندے کی رپورٹ کے مطابق کوئٹہ کے علاقے سریاب روڈ میں ڈبل روڈ کے قریب آج صبح نامعلوم افراد کی جانب سے فائرنگ کی گئی جس کے نتیجے میں ایک پولیس اہلکار جاں بحق جبکہ 2 زخمی ہوگئے جنہیں فوری طور پر اسپتال منتقل کیا گیا جہاں ایک اور اہلکار زخموں کی تاب نہ لاتے ہوئے جاں بحق ہوگیا۔

پولیس کا کہنا ہے کہ اہلکار ڈیوٹی دینے جا رہے تھے کہ نامعلوم افراد نے فائرنگ کردی، جاں بحق ہونے والے اہلکاروں کی شناخت شوکت اور الیاس کے نام سے ہوئی ہے جبکہ زخمی محمد جاوید کو طبی امداد فراہم کی جا رہی ہے۔ جائے وقوعہ سے شواہد اکھٹے کرکے واقعہ کی تحقیقات شروع کردی گئی ہیں۔

واضح رہے کہ 2 روز قبل بھی کوئٹہ میں رئیسانی روڈ پر فائرنگ سے ٹریفک پولیس اہلکار جاں بحق ہوگیا تھا۔

کوئٹہ میں دہشت گرد تکفیری گروہ لشکر جھنگوی اور بلوچ لبریشن آرمی دہشت گردی کے واقعات میں ملوث ہیں۔

Jan ۱۸, ۲۰۱۸ ۰۸:۲۰ Asia/Tehran
کمنٹس