حکومت کے سامنے نہ جھکیں گے اور مرعوب ہوں گے: مولانا فضل الرحمان
Oct ۱۶, ۲۰۲۰ ۱۷:۳۶ Asia/Tehran
پاکستان ڈیموکریٹک الائنس کے سربراہ مولانا فضل الرحمان نے حکومت کے سامنے نہ جھکنے اور کسی سے مرعوب نہ ہونے پر زور دیا ہے۔
پاکستان ڈیموکریٹک الائنس کے سربراہ مولانا فضل الرحمان نے لاہور میں نماز جمعہ سے پہلے ایک بیان میں ملک کے حالات کو غور طلب بتایا۔ انھوں نے کہا کہ موجودہ حالات میں ہمیں سوچنا ہوگا کہ ہم پر حکومتیں مسلط کردی جاتی ہیں۔مولانا فضل الرحمن نے کہا کہ ہم جمہوری روایات کے علمبردار ہیں۔ انھوں نے کسی کا نام لئے بغیر کہا کہ ان کے سامنے بڑے بڑے پھنے خان گھومتے ہیں۔
یاد رہے کہ پاکستان کی حزب اختلاف کی جماعتوں نے جمیعت علمائے اسلام (ف) کی سربراہی میں پاکستان ڈیموکریٹک الائنس تشکیل دیا ہے جس نے حکومت کے خلاف ملک گیر تحریک کا اعلان کیا ہے۔ مولانا فضل الرحمن نے پاکستان کے عوام سے تحریک کو کامیاب بنانے میں ساتھ دینے کی اپیل کی ہے۔