SAHAR

فرانس میں یلوجیکٹ تحریک کے حامیوں نے چوبییسویں ہفتے بھی سرمایہ دارانہ نظام کے خلاف مظاہرے کیے۔

میڈیا رپورٹوں کے مطابق پیرس کی سڑکوں پر مظاہرہ کرنے والے لوگ  سرمایہ دارانہ نظام اور صدر میکرون کے خلاف نعرے لگا رہے تھے۔ پیرس کے علاوہ فرانس کےدیگر شہروں میں بھی ہزاروں لوگوں نے یلوجیکٹ مظاہرے میں حصہ لیا اور صدر میکرون کے استعفے کا مطالبہ دھرایا۔

فرانس میں سترہ نومبر سے تیل کی قیمتوں میں اضافے کے خلاف شروع ہونے والا یلوجیکٹ مظاہرہ اب سرمایہ دارانہ نظام کے خلاف احتجاجی تحریک میں تبدیل ہو گیا ہے جس کے دوران دس افراد ہلاک اور تین ہزار سے زائد زخمی ہو چکے ہیں۔