امریکہ میں فائرنگ کے واقعات، 82 ہلاک و زخمی
Aug ۱۸, ۲۰۱۹ ۲۱:۳۲ Asia/Tehran
امریکہ کی مختلف ریاستوں میں فائرنگ کے تازہ واقعات میں کم سے کم تئیس افراد ہلاک ہو گئے۔
فائرنگ کے اعداد و شمار جمع کرنے والے امریکی مرکز کے مطابق پچھلے چوبیس گھنٹے کے دوران ملک کی مختلف ریاستوں میں فائرنگ کے سڑسٹھ واقعات ریکارڈ کیے گئے۔ ان واقعات میں کم سے کم تئیس افراد ہلاک اور انسٹھ دیگر زخمی ہوگئے۔
گن وائلینس آرکائیو کے مطابق مذکورہ واقعات کے بعد پچھلے اڑتالیس گھنٹے کے دوران امریکہ بھر میں پیش آنے والے فائرنگ کے ایک سو ستترواقعات میں مجموعی طور پر پچپن افراد ہلاک اور ایک سو تیرہ زخمی ہوئے ہیں۔
واضح رہ ےکہ امریکہ میں سالانہ ہزاروں افراد فائرنگ کے واقعات میں ہلاک ہو جاتے ہیں۔
امریکہ میں اسلحہ کی خرید وفروش اور نمائش کی کھلی آزادی کی وجہ سے مسلح تشدد اور فائرنگ کے واقعات، روز کا معمول بن گئے ہیں۔
