SAHAR

یورپی یونین کے شعبہ خارجہ پالیسی کی سربراہ ‌فیڈریکا موگرینی نے کہا ہے کہ ایران اور گروپ پانچ جمع ایک کے درمیان ہونے والا ایٹمی معاہدہ بحران شام کے حل کے سلسلے میں عالمی برادری کے لئے مددگار ثابت ہو سکتا ہے-

فیڈریکا موگرینی نے سی این این ٹی وی سے گفتگو کے دوران شام کے حالات پر مشترکہ جامع ایکشن پلان کے اثرات کے بارے میں کہا کہ میرے خیال میں جولائی میں ویانا میں جو چیز ہم نے حاصل کی وہ ایٹمی عدم پھیلاؤ کے سلسلے میں ایک معاہدہ تو ہے ہی لیکن اس معاہدے سے علاقے کی طاقتوں کے سامنے ایک راستہ کھل سکتا ہے اور اس سے بحران شام کے حل میں عالمی برادری کو مدد مل سکتی ہے-

فیڈریکا موگرینی نے کہا کہ آگے کی طرف جانے کا صرف یہ راستہ نہیں ہے کہ یورپ یا امریکا یا کوئی اور خاص ملک کسی خاص منصوبے کو پیش نظر رکھے- نکتہ یہ ہے کہ شام کے مختلف شعبوں میں علاقائی اور بین الاقوامی دائرہ کار معین ہونا چاہئے تاکہ شام میں امن قائم ہوسکے-