SAHAR

جامع ایکشن پلان کی حمایت پر امریکی کانگریس کی تاکید

ایران کے ساتھ ایٹمی سمجھوتے کے بارے میں کانگریس کے ممکنہ رائے شماری کے تعلق سے امریکی صدر کے ویٹو کے حق کے محفوظ رہنے سے متعلق ڈیموکریٹوں کی کامیابی کے بعد اس وقت سب کی نگاہیں " اکتالیس"  کے عدد پر مرکوز ہوکررہ گئي ہیں۔

اگر سمجھوتے کے حامی سو سینٹروں میں سے اکتالیس سینٹروں کی را‏ئے حاصل کرنے میں کامیاب ہوجاتے ہیں تو اس سمجھوتے سے متعلق سینٹ میں رائے شماری نہیں کروائی جاسکے گي اور یہ بھی ممکن ہے کہ اس سمجھوتے کے حامی مذاکراتی عمل کو اتنا طول دیں گے کہ کسی حتمی سمجھوتے تک پہنچنے کی مہلت ختم ہوجائے گي۔ کانگریس کی جانب سے  ساٹھ دن کی مہلت دی تھی تو سترہ ستمبر کو ختم ہوجائے گی۔

جمعرات کی رات تک سینتیس سینٹر جامع ایکشن پلان کے  سلسلے میں اپنی موافقت کا اعلان کرچکے ہیں یعنی اگر صرف چار سینیٹر جامع ایکشن پلان  کی حمایت کا اعلان کردیں تو اس بات کا قوی امکان موجود ہے کہ کانگریس نے کئي مہینوں سے جو جنجال برپا کررکھا ہے اس کے بارے میں حتی اپنی رائے کا اظہارکرنے سے محروم ہوجا‎‎‎‎ئے گي۔

البتہ جامع ایکشن پلان  پر رائے شماری کرائے جانے کی صورت میں بھی ریپبلکنوں، یہودی لابی اور بعض ڈیموکریٹ سینیٹروں کے اتحاد کی ناکامی کا امکان اپنی جگہ باقی رہے گا۔ چند ماہ قبل جامع ایکشن پلان کا جائزہ لئے جانے سے متعلق  " کورکر، کارڈين بل"  کانگریس میں منظورکیا گیا ہے۔ جامع ایکشن پلان کے مخالفین یہ سمجھتے تھے کہ وہ ڈیموکریٹوں کی اکثریت کو اپنے ساتھ ملانے میں کامیاب ہوجائيں گے۔

انہیں توقع تھی کہ "ایرانوفوبیا"  کا ہوا کھڑا کرکے اورصیہونی حکومت کے وزیراعظم نتن یاہو کو سامنے لاکر ایران کے ایٹمی پروگرام سے متعلق اوبامہ انتظامیہ کے تمام اقدامات کو غیر موثر بنادیں گے۔ صیہونیوں نے بھی اوباما کے بجائے کانگریس  کی جانب سے نتن یا ہوکی حمایت پر پورا  پورا بھروسہ اور اطمینان  کررکھا تھا۔