SAHAR

ایران کے جنوب مشرقی چابہار کے آزاد تجارتی علاقے کے منیجنگ ڈائریکٹر عبدالرحیم کردی نے ایران پریس سے گفتگو کے دوران علاقے کے ملکوں کے لئے چابہار بندرگاہ کی اسٹریٹیجک اہمیت کا حامل قرار دیا ہے۔انہوں نے کہا کہ چابہار بندرگاہ کی اسٹریٹجیک پوزیشن اور اس بندرگاہ سے استفادے میں ٹرانسپورٹ کے کم اخراجات نےعلاقے کے ملکوں کے اس عزم کو پختہ کردیا ہے کہ وہ ایران کے خلاف امریکا کی خودسرانہ پابندیوں کے باوجود وہ چابہار بندرگاہ کے پروجیکٹ میں شامل رہیں۔ ایران کے صوبہ سیستان و بلوچستان میں چابہار بندرگاہ کھلے سمندر کی واحدایرانی بندرگاہ ہے جو بحیرہ مکران اور بحرھند کے ساحل پر واقع ہے۔ چابہار بندرگاہ اپنی اسٹریٹیجک پوزیشن اور خشکی میں گھرے افغانستان، ترکمنستان، ازبکستان، تاجیکستان، قرقیزستان اورقزاقستان جیسے ملکوں کی آزاد سمندری راستوں تک آسان رسائی کے پیش نظر خاص اہمیت کی حامل ہے۔