ہندوستان: جلی کٹو کے بعد اب کمبلا کھیل کا بحران
ہندوستان کی ریاست تمل ناڈو کے جلی کٹو کھیل کو جس طرح منظوری دی گئی ہے، اسی طرح کرناٹک کے کمبلا کھیل کو بھی منظوری دینے کا مطالبہ کرتے ہوئے کمبلا کھیل کے شیدائیوں اور مختلف تنظیموں نے ریاست بھر میں احتجاج شروع کردیا ہے۔
کمبلا کھیل کو منظوری دلانے کیلئے نہ صرف ریاست کے عوام بلکہ سیاستداں بھی ایڑی چوٹی کا زور لگارہے ہیں ۔ بنگلور کے موڈبدرے کے رکن اسمبلی ابھئے چندرا جین نے ریاستی حکومت سے مطالبہ کیا ہے کہ کرناٹک میں کمبلا کھیل شروع کرنے کیلئے مناسب اقدامات کئے جائیں ساتھ ہی ساتھ موڈبدرے کے عوام نے کمبلا کھیل کو منظوری نہ دیئے جانے کی صورت میں احتجاج کرنے کا فیصلہ کیا ہے۔
ادھر کنڑا واٹال پکشا کے صدر واٹال ناگراج اور کنڑا سینے کے ریاستی صدر کے ایل کمار کی قیادت میں رام نگر ضلع میں پُرزور احتجاج بھی کیا گیا ۔ـ مظاہرین نے بنگلوراورمیسور شاہراہ کو بند کر کے مرکزی حکومت کے خلاف نعرے لگائے اور کرناٹک میں کمبلا کھیل کو دوبارہ شروع کرنے کی اجازت دینے کا مطالبہ کیا ۔
