ہندوستانی فوج کے سربراہ کا دورہ کشمیر
ہندوستانی فوج کے سربراہ نے اس ملک کےزیرانتظام کشمیر کا دورہ کیا۔
ہندوستانی فوج کے سربراہ لیفٹیننٹ جنرل بپن راوت نے جمعہ کو اس ملک کے زیر انتظام کشمیر کا دورہ کرکے جنوبی کشمیر کے ضلع شوپیان میں مسلح افراد کے حملے میں ہلاک ہونے والے تین فوجی اہلکاروں کو خراج عقیدت پیش کیا۔
انہوں نے کہا کہ کشمیر میں فوجی آپریشنوں میں رخنہ ڈالنے والوں کو قوم دشمن تصور کیا جائے اور ان کے خلاف کاروائی کی جائے گی۔
خیال رہے کہ ضلع شوپیان میں بدھ اور جمعرات کی درمیانی شب کو مسلح افراد کی جانب سے فوج کی ایک گشتی پارٹی پر گھات لگاکر کئے گئے حملے میں 3 فوجی اہلکار ہلاک جبکہ ایک میجر سمیت 5 دیگر زخمی ہوگئے تھے ۔
