ہندوستان کے وزیراعظم سے جموں و کشمیر کی وزیر اعلی کا مطالبہ
ہندوستان کے زیرانتظام کشمیر کی وزیر اعلی نے اس ملک کے وزیراعظم نریندر مودی سے مطالبہ کیا ہے کہ وہ کشمیر کے بحران کو حل اور اس علاقے کی سلامتی کو تحفظ فراہم کرنے کی کوشش کریں۔
ہندوستان کے زیرانتظام کشمیر کی وزیر اعلی محبوبہ مفتی نے کہا ہے کہ مسئلہ کشمیر کو حل کئے جانے کا واحد راستہ، ہندوستان اور پاکستان کے درمیان مذاکرات ہیں۔
اس سے قبل ہندوستان کے زیرانتظام کشمیر کے سابق وزیراعلی فاروق عبداللہ نے بھی مسئلہ کشمیر کے حل کے لئے ہندوستان اور پاکستان کے درمیان مذاکرات کی ضرورت پر زور دیا تھا۔
انھوں نے کہا تھا کہ مسئلہ کشمیر کو جنگ سے ہرگز حل نہیں کیا جاسکتا۔
قابل ذکر ہے کہ ہندوستان کے زیرانتظام کشمیر میں آٹھ جولائی کو ہندوستان کی سیکورٹی فورس نے حزب المجاہدین کے کمانڈر برہان وانی کو ہلاک کر دیا تھا اور جب سے ہی اس علاقے کے حالات سخت کشیدہ ہو گئے ہیں۔
اس دوران کشمیری مظاہرین پر ہندوستان کے سیکورٹی اہلکاروں کے حملوں میں ایک سو تیس کشمیری مارے جا چکے ہیں جبکہ ہزاروں دیگر زخمی ہوئے ہیں۔
