ہندوستان کی جانب سے سویڈن حملے کی مذمت
Apr ۰۸, ۲۰۱۷ ۱۲:۱۴ Asia/Tehran
ہندوستان نے سویڈن میں دہشتگردانہ حملے کی مذمت کی ہے۔
ہندوستان کے وزیراعظم نریندرمودی اور وزیرخارجہ سشما سوراج نے سویڈن کے دارالحکومت اسٹاک ہوم میں ہندوستان کے سفارتخانے کے قریب کل ہونے والے ٹرک حملے کی مذمت کی ہے۔ نریندرمودی نے ٹوئیٹ کرکے واقعہ میں مرنے والوں کے اہل خانہ سے تعزیت کا اظہار کرتے ہوئے زخمیوں کے لئے دعا کی۔
سویڈن کی پولیس نے کہا ہے کہ کل ایک ٹرک ڈرائیور نے سڑک پر راہگیروں کو ٹرک سے کچل دیا جس کے نتیجے میں کم از کم تین عام شہری ہلاک اور 12 زخمی ہو گئے۔
سویڈن کے وزیراعظم اسٹیفن لوفون نے اس واقعے کو دہشت گردانہ قرار دیتے ہوئے کہا کہ پولیس نے اس سلسلے میں گرفتاریاں کی ہیں۔
واضح رہے کہ گزشتہ سال کرسمس کے موقع پر بھی اسی طرح کا ایک دہشت گردانہ واقعہ رونما ہوا تھا جس میں 12 افراد ہلاک ہو گئے تھے۔
