ہندوستان میں ٹریفک کا المناک حادثہ 29 افراد ہلاک
Jul ۰۸, ۲۰۱۹ ۰۹:۱۷ Asia/Tehran
ہندوستان کی ریاست اترپردیش کے آگرہ میں آج پیر کی صبح لکھنؤ سے دہلی جا رہی ڈبل ڈیکر بس کے جمنا ایکسپریس وے پرایک گہرے نالے میں گرنے سے 29 افراد کی موت ہوگئی۔
سینئر پولیس سپرنٹنڈنٹ ببلو کمار کا کہنا ہے کہ لکھنؤ سے دہلی جا رہی ڈبل ڈیکر بس جمنا ایکسپریس وے پر نالے میں گر گئی. انہوں نے بتایا کہ ریسکیو اور ریلیف کا کام کیا جا رہا ہے۔ ان کے مطابق ابھی تک 29 لاشیں نکال لی گئی ہیں۔انہوں نے بتایا کہ مرنے والوں کی تعداد بڑھ بھی سکتی ہے۔
انہوں نے بتایا کہ 15 سے 20 زخمیوں کو بس سے نکال کر اسپتال بھیج دیا گیا ہے۔ زخمیوں میں کچھ کی حالت نازک ہے۔ انہوں نے بتایا کہ مرنے والوں کی شناخت کرائی جا رہی ہے۔حادثہ کا شکار بس کو کرین کی مدد سے باہر نکالا جا رہا ہے۔
وزیر اعلی یوگی آدتیہ ناتھ نے حادثہ پر دکھ کا اظہار کیا ہے۔