SAHAR

حزب اللہ لبنان نے صیہونی فوج کے ٹھکانوں پر دسیوں راکٹ داغے جانے کی خبر دی ہے۔

سحر نیوز/ عالم اسلام: حزب اللہ لبنان نے ایک بیان میں اعلان کیا ہے کہ اسلامی مزاحمت کے مجاہدین نے جولان کی بلندیوں پر واقع صیہونی فوج کے ٹھکانوں کو دسیوں کاتیوشا راکٹوں سے نشانہ بنایاہے-

اس بیان میں کہا گیا ہے کہ ہمارے مجاہدین نے یہ کارروائی غزہ میں فلسطین کے بہادر عوام کی حمایت اور ان کے خلاف جارح اسرائیل کے وحشیانہ حملوں، خاص طور پر السریر شاہراہ پر واقع دیہی علاقوں پر بزدل صیہونی فوج کے دہشت گردانہ حملوں کے جواب میں کی ہے۔

صیہونی حکومت کے ذرائع ابلاغ نے اعتراف کیا ہے کہ لبنان سے شمالی مقبوضہ فلسطین کے علاقے جبل الشیخ کی طرف کم از کم تیس راکٹ داغے گئے ہیں۔