ہندوستان کے شیئر بازار میں گراوٹ
Mar ۰۹, ۲۰۲۰ ۲۱:۳۱ Asia/Tehran
ہندوستان کے شیئر بازار میں زبردست گراوٹ آئی ہے جس کو اسٹاک مارکٹ کے سونامی کا نام دیا جارہا ہے۔
ہندوستان کی سرکاری خبر رساں ایجنسی یو این آئی کے مطابق پیر کو ممبئی کی اسٹاک مارکٹ میں بی سی ای کے سینسیکس میں 2200 پوائنٹ اور نیشنل ایکسچینج کے نفٹی میں تقریبا 600 پوائنٹ کی گراؤٹ آئی ہے۔
ہندوستان کے شیئر بازار میں اس تباہ کن گراوٹ کو یس بینک کے بحران کے علاوہ، کورونا وائرس کے پھیلاؤ اور بین الاقوامی منڈی میں خام تیل کی کمی نتیجہ قرار دیا جارہا ہے۔
اس رپورٹ کے مطابق پیر کو دو پہر ایک بجے تک سینسیکس میں 2203.83 پوائنٹ کی گراوٹ سے سینسیکس 36000 پوائنٹ سے نیچے آگیا۔
اسی کے ساتھ نفٹی میں بھی زبردست گراؤٹ کے ساتھ صرف فروخت کا رجحان رہا اور اس میں 586.75 پوائنٹ کی گراوٹ ریکارڈ کی گئی ۔
