SAHAR

دہلی میں بارش سے معمول کی زندگی مفلوج ہوگئی۔

ہمارے نمائندے کے مطابق ہندوستان کے قومی دارالحکومت میں دہلی میں سنیچر کی صبح موسلا دھار بارش سے مختلف علاقوں میں پانی بھرجانے سے آمد و رفت متاثر ہوگئی۔

رپورٹ میں بتایا گیا ہے کہ بارشوں کا سلسلہ جمعے کی رات سے شروع ہوگیا تھا جس میں سنیچر کی صبح شدت آگئی ۔ دہلی کے ادارہ موسمیات کے مطابق صفدرجنگ علاقے میں رات کے ڈھائی بجے سے ساڑھے پانچ بجے صبح تک تہتر اعشاریہ دو ملی میٹر بارش ریکارڈ کی گئی۔

دہلی کے ادارہ موسمیات نے دارالحکومت اور اس کے اطراف کے علاقوں میں بارشوں میں شدت کی پیشینگوئی کی ہے۔