SAHAR

ہندوستان کی ریاست جھارکھنڈ میں ایک بھیانک ٹریفک حادثے میں کم سے کم اٹھارہ افراد ہلاک اور زخمی ہوگئے ۔

ہندوستانی خبررساں ایجنسی یو این آئی کے مطابق ریاست جھارکھنڈ کے پاکوڑہ ضلع میں بدھ کی صبح ایک مسافر بس اور گیس سلنڈر سے بھرے ایک ٹرک کے درمیان تصادم میں آٹھ افراد ہلاک اور بارہ زخمی ہوگئے ۔
اس حادثے میں زخمی ہونے والوں میں سے بعض کی حالت نازک بتائی گئی ہے جس کے پیش نظر ہلاک ہونے والوں کی تعداد بڑھ سکتی ہے۔
پولیس نے بتایا ہے کہ تصادم اتنا شدید تھا کہ تین افراد جائے حادثہ پر ہی ہلاک ہوگئے اور تین نے اسپتال کے راستے میں اور دو نے اسپتال پہنچنے کے بعد دم توڑدیا۔
عینی شاہدین نے اس حادثے کی وجہ گہری دھند بتائی ہے۔