قطر، ہندوستانی بحریہ کے سابق کمانڈرز سمیت 8 افسران گرفتار
قطر میں ہندوستانی بحریہ کے 2 ریٹائرڈ کمانڈرز سمیت 8 افسران دو ماہ سے زیر حراست ہیں۔
سحر نیوز/ ہندوستان: ہندوستانی میڈیا کے مطابق انڈین نیوی کے کمانڈرز سمیت 8 افسران کو قطر میں اسٹیٹ سیکیورٹی بیورو نے تقریباً دو ماہ سے حراست میں رکھا ہوا ہے۔ اس بات کا انکشاف ٹوئٹر پر ایک خاتون ڈاکٹر میتو بھارگو نے کیا۔
مذکورہ خاتون کے ٹویٹ کے بعد ہندوستانی وزارت دفاع اور خارجہ نے کوششیں شروع کر دیں۔
ڈاکٹر میتو بھارگو نے اپنی ٹوئٹ میں ہندوستانی وزیر اعظم نریندر مودی سمیت اعلیٰ قیادت کو مینشن کیا جس سے یہ معاملہ ہندوستانی حکومت کے علم میں آیا۔
اب تک موصول ہونے والی اطلاعات کے مطابق انڈین نیوی کے یہ 8 ریٹائرڈ افسران قطر میں الظاہرہ گلوبل ٹیکنالوجیز اینڈ کنسلٹنسی سروسز میں ملازمت کر رہے تھے تاہم یہ واضح نہیں کہ انھیں کس الزام میں حراست میں لیا گیا۔
گرفتار ہونے والے انڈین نیول کے سابق افسران میں اعلیٰ ملٹری ایوارڈ یافتہ کمانڈر پرنیندا تیواری بھی شامل ہیں جنھیں سابق صدر رام ناتھ کوند نے 2019 میں یہ اعزاز دیا تھا۔
