SAHAR

اسلامی جمہوریہ ایران کے نائب وزیرخارجہ امیرعبداللہیان اوریورپی یونین کے شعبہ خارجہ پالیسی کی نائب سربراہ ہلگا اشمید نے اہم علاقائی مسائل پر بات چیت کی ہے

تہران میں ہونےوالی اس ملاقات میں حسین امیرعبداللہیان اور ہلگااشمید نے علاقے اور خاص طورپرشام کے مسائل پر بات چیت کی -

یہ ملاقات علاقائی مسائل پرایران اور یورپی یونین کے درمیان ایک عرصے سے جاری صلاح و مشورے کےتناظر میں ہی انجام پائی ہے -

اس ملاقات میں ایران کے نائب وزیرخارجہ نے علاقائی بحرانوں کے حل کے سلسلے میں ایران اور یورپی یونین کے درمیان جاری صلاح و مشورے کا ذکرکرتے ہوئے کہاکہ شام کے بحران کو حل کرنے کے لئے حقیقت پسندی کا مظاہرہ کیا جانا بہت ضروری ہے -

یورپی یونین کے شعبہ خارجہ پالیسی کی نائب سربراہ ہلگااشمید نے جو میونیخ سیکورٹی کانفرنس کے تمہیدی اجلاس میں شرکت کے لئے تہران کے دورے پر ہیں دہشت گرد ی کے خلاف بھرپورجنگ اور مسائل کو سیاسی طریقے سے حل کئے جانے کی ضرورت پر زوردیتے ہوئے کہاکہ شام کے مستقبل کی واضح تصویرپیش کیا جاناضروری ہے -

اس ملاقات میں ایران اور یورپی یونین نے شام کی ارضی سالمیت کے تحفظ اور شامی پناہ گزینوں کی وطن واپسی کےلئے منطقی راہ حل پیش کئے جانے کی ضرورت پر بھی زوردیا -

ایران اور یورپی یونین کے اعلی عہدیداروں نے علاقائی مسائل کے حل کے تعلق سے باہمی صلاح ومشورے جاری رکھنے پر بھی تاکید کی -