SAHAR

اسلامی جمہوریہ ایران کی مسلح افواج کے سربراہ نے دہشت گرد گروہ داعش کے خلاف روسی صدر پوتن کی کارروائی کو باعث فخر کارنامہ قرار دیا ہے

ایران کی مسلح افواج کے سربراہ جنرل حسن فیروزآبادی نے مسلح افواج کے اعلی عہدیداروں کے اجلاس میں خطاب کے دوران شام اورعراق میں دہشت گرد گروہ داعش کے خطرات کا ذکر کرتے ہوئے کہا کہ دیگر اسلامی ملکوں اور یورپ میں بھی اس خطرے کا دائرہ پھیلتا جا رہا ہے -

جنرل فیروزآبادی نے کہا کہ داعش کو کچلنے میں روسی صدر کی دانشمندی قابل تعریف اور روسی عوام کےلئے ایک قابل فخر کارنامہ ہے- ان کا کہنا تھا کہ شام میں داعش کے خلاف روسی فضائی حملوں نے ثابت کر دیا ہے کہ روس کے لوگ ایک دوراندیش قیادت کے مالک ہیں-

انہوں نے اس بات کو درک کرلیا ہے کہ دہشت گردی کا خطرہ امپریالیزم، صیہونیزم اور رجعت پسند حکومتوں کا پیدا کیا ہوا ہے جو روس کی سلامتی کو بھی چیلنج کرسکتا ہے -

ایران کی مسلح افواج کے سربراہ نے کہا کہ ہم امید کرتے ہیں کہ علاقے اور دہشت گردی کا زخم کھائے ہوئے ممالک خاص طور پر فرانس کے عوام دہشت گردی کے خلاف جنگ کے لئے کوئی ٹھوس فیصلہ کریں گے -