SAHAR

اسلامی جمہوریہ ایران کی پارلیمنٹ کے اسپیکر نے کہا ہے کہ یورپی یونین کو چاہئے کہ وہ دہشت گردی کے خلاف جنگ اور اس پر قابو پانے کے سلسلے میں اپنی پوزیشن واضح کرے

مجلس شورائے اسلامی یا پارلیمنٹ کے اسپیکر ڈاکٹر علی لاریجانی نے پیر کو تہران میں یونان کے وزیرخارجہ سے ملاقات میں کہا کہ یورپی یونین کو چاہئے کہ وہ دہشت گردی کے تعلق سے اپنا موقف اور پوزیشن واضح کرے کہ وہ کیا کرنا چاہتی ہے اور اس دہشت گردی کے خلاف جنگ کے لئے اس نے کیا فیصلہ کیا ہے-

انہوں نے کہا کہ اس وقت بہت سے یورپی ملکوں نےدہشت گردی کے خطرے کو درک کر لیا ہے اور اس کے خلاف حرکت میں بھی آگئے ہیں لیکن ضروری ہے کہ سب اس خطرے سے آگاہ ہوں-

انہوں نے کہا کہ سب کو چاہئے کہ وہ دہشت گردوں کی تجارتی اور اسلحہ جاتی مدد بند کر کے علاقے کو مزید غیر مستحکم ہونے سے بچائیں -

پارلیمنٹ کے اسپیکر ڈاکٹر لاریجانی نے تہران اور ایتھنز کے درمیان تعاون میں توسیع کے بارے میں بھی کہا کہ ایران میں سرمایہ کاروں کے لئے مناسب موقع فراہم ہے اور ایران کی پارلیمنٹ بھی اس سلسلے میں کچھ قوانین پاس کر کے سرمایہ کاری کے مواقع زیادہ آسان بنانے کی کوشش کر رہی ہے-

یونان کے وزیرخارجہ نیکوس کوٹزیاس نے بھی دہشت گردوں کی سرگرمیوں اور ان گروہوں کے لئے بعض ملکوں کی حمایت کا ذکر کرتے ہوئے کہاکہ بہت سے مسائل اور حادثے ملکوں میں پائی جانے والی غربت اور ثقافتی مشکلات کی وجہ سے وجود میں آتے ہیں اوردوسرے ممالک ان ضرورتوں کا غلط استعمال کرکے انہیں اپنے مفادات کے لئے کام میں لاتے ہیں-

یونان کے وزیرخارجہ نے ایران پرعائد ظالمانہ پابندیوں کے بارے میں بھی کہا کہ ایران کے خلاف پابندیاں انتہائی غیر منصفانہ تھیں جو یورپی یونین کی روح کے منافی ہیں -