SAHAR

عالمی امور میں رہبر انقلاب اسلامی کے مشیر ڈاکٹرعلی اکبر ولایتی نے سعودی عرب کے شیعہ مجاہد عالم دین کی پھانسی کی سزا کے فیصلےکی مذمت کی ہے-

فارس نیوز ایجنسی کی رپورٹ کے مطابق عالمی امور میں رہبر انقلاب اسلامی کے مشیر ڈاکٹرعلی اکبر ولایتی نے منگل کے روز، لبنان میں مسلم علماء کونسل کے اجلاس میں کہا کہ سعودی حکومت کی جانب سے علماء اور خاص طور پر شیخ نمر باقر النمر کے لئے پھانسی کی سزا کا غیر منصفانہ اور غیر منطقی فیصلہ، قابل مذمت ہے اور علماء اسلام کو چاہئے کہ اس اقدام کی مذمت کریں اور شیخ نمرکو بھی قید سے رہائی حاصل ہو-

علی اکبر ولایتی نے کہا کہ علاقے میں ان تکفیری اور انتہا پسند گروہوں اور دہشت گردوں کو، جو بے گناہ افراد کا خون بہا رہے ہیں، متعارف کرانے میں علماء اور دانشوروں کا بہت اہم کردار ہے- انہوں نے کہا کہ بعض دیگر ادیان بھی اسلام اور اسلامی حکومت کے نام پر جارحیتوں کے مرتکب ہو رہے ہیں-

عالمی امور میں رہبر انقلاب اسلامی کے مشیر نے کہا کہ افسوس کا مقام ہے کہ مغربی ممالک پوری دلچسپی کے ساتھ اپنے ذرائع ابلاغ میں تکفیریوں کی جارحیت کو، اسلام کے پرتشدد چہرے کےطور پر پیش کر رہے ہیں اور وہ اس سلسلے میں تکفیریوں کی مدد بھی کر رہے ہیں-