SAHAR

اسلامی جمہوریہ ایران کی مسلح افوج کے چیف آف اسٹاف نے الرمادی میں عراقی عوام اور فوج کی کامیابی کی مبارک باد دی ہے-

اسلامی جمہوریہ ایران کے چیف آف آرمی اسٹاف میجر جنرل سید حسن فیروز آبادی نے کہا ہے کہ ہفتہ وحدت کے مبارک موقع پرعراقی فوج اور رضاکار فورس کی فتح جو رسول اکرم (ص) کے مقدس نام کی برکت سے حاصل ہوئی ہے، شیعہ و سنی سمیت تمام مسلمانوں کے لئے مستقبل میں مزید کامیابی کی نوید ہے-

میجر جنرل فیروز آبادی نے اس بات کا ذکر کرتے ہوئے کہ فلوجہ بھی عراقی فوج کے مکمل محاصرے میں ہے کہا کہ فلوجہ کے مخلص علماء، عوام کو مرکزی حکومت سے جوڑنے کے لئے متحد ہو جائیں اور امت رسول اللہ (ص) کی مدد کریں-

عراقی فوج نے داعش تکفیری گروہ کے خلاف بھرپور کارروائی کرتے ہوئے پیر کو مغربی عراق کے صوبہ الانبار کے صدر مقام الرمادی کو پوری طرح اپنے کنٹرول میں لے لیا-