SAHAR

رہبر انقلاب اسلامی نے نماز اجلاس میں اپنے پیغام میں کہا ہے کہ سبھی کو جان لینا چاہئے کہ سماجی برائیاں کم کرنے کا سب سے زیادہ موثر طریقہ نماز ہے-

رپورٹ کے مطابق رہبر انقلاب اسلامی نے چوبیسویں قومی نماز اجلاس میں اپنے پیغام میں نماز کی تبلیغ و ترویج کے سلسلے میں سب کے احساس ذمہ داری پر تاکید کرتے ہوئے خاص طور سے مادی، معنوی اور انتظامی وسائل کے حامل سرکاری حکام کو اس موضوع کی عظمت و اہمیت سمجھنے اور اس راہ میں عملی قدم اٹھانے کی دعوت دی-

رہبر انقلاب اسلامی کے پیغام میں آیا ہے کہ مطلوبہ اور آئیڈیل مقام تک پہنچنے کے لئے اسلامی معاشرے میں پائی جانے والی طلب، صلاحیت اور  مناسب فضا موجودہ حقائق سے کہیں زیادہ ہے-

چوبیسواں قومی نماز اجلاس منگل کو قزوین کی امام خمینی یونیورسٹی میں منعقد ہوا ہے اور رہبر انقلاب اسلامی کے نمائندے اور قزوین کے امام جمعہ آیت اللہ عبدالکریم عابدینی نے اس اجلاس میں رہبر انقلاب اسلامی آیت اللہ العظمی خامنہ ای کا پیغام پڑھ کر سنایا-