SAHAR

اسلامی جمہوریہ ایران کے وزیر خارجہ تہران اور انقرہ کے تعلقات میں توسیع کی غرض سے ترکی کے حکام کے ساتھ بات چیت کے لئے انقرہ جائیں گے

فارس نیوز ایجنسی کی رپورٹ کے مطابق ایران کے وزیر خارجہ جواد ظریف جمعے کے روز ترکی کے دارالحکومت انقرہ کے لئے روانہ ہو رہے ہیں تاکہ اس ملک کے اعلی حکام منجملہ وزیر خارجہ چاووش اوغلو اور وزیر اعظم احمد داؤد اوغلو کے ساتھ دوطرفہ تعلقات میں توسیع اور علاقے کی تازہ ترین صورتحال کے بارے میں تبادلہ خیال کریں -

واضح رہے کہ ترکی کے وزیر اعظم احمد داؤد اوغلو نے رواں ماہ مارچ کی پانچ تاریخ کو تہران کا دورہ کیا تھا اور انہوں نے اپنے اس دورے میں صدر مملکت ڈاکٹر حسن روحانی سے کہا تھا کہ انقرہ ، تہران کے ساتھ تعلقات کے نئے باب کے آغاز ، اور مختلف شعبوں میں دونوں ملکوں کے درمیان تعاون کو فروغ دینے میں پرعزم ہے-