SAHAR

ایرانی پارلیمنٹ مجلس شورائے اسلامی کے اسپیکر ڈاکٹر علی لاریجانی نے کہا ہے کہ شام، بحرین اور یمن میں علاقائی مسائل کے حل کے لیے سیاسی بحثیں زیادہ سنجیدہ ہو جائیں گی۔

ارنا کی رپورٹ کے مطابق ایرانی پارلیمنٹ کے اسپیکر ڈاکٹر علی لاریجانی نے جمعرات کے روز قم میں مرجع تقلید آیت حسین نوری ہمدانی سے ملاقات میں کہا کہ شام میں داعش کے دہشت گردوں کے خلاف کامیابی سمیت علاقائی مسائل کے حل میں پیشرفت ہو رہی ہے۔

انھوں نے کہا کہ شام میں دہشت گردوں کو کافی حد تک دیوار سے لگا دیا گیا ہے اور شامی فوج نے حلب سمیت بہت سے علاقوں میں اچھی پیش قدمی کی ہے۔