SAHAR

اسلامی جمہوریہ ایران کے نائب صدر اسحاق جہانگیری نے الگ الگ پیغامات میں اسلامی ممالک کے نائب صدور کو رمضان المبارک کی آمد کی مبارکباد پیش کی ہے۔

ارنا کی رپورٹ کے مطابق اسحاق جہانگیری نے اسلامی ممالک کے نائب صدور کے نام اپنے پیغامات میں مسلم اقوام اور حکومتوں کے لئے سربلندی اور سعادت پر مبنی نیک خواہشات کے ساتھ ساتھ اس امید کا بھی اظہار کیا ہے کہ رمضان المبارک میں دین مبین اسلام کی تعلیمات سے فائدہ اٹھائے جانے کی بنا پر ملت اسلامیہ کے درمیان بھائی چارے، محبت اور قیام امن و سلامتی کو تقویت ملے گی۔

واضح رہے کہ آج منگل کے دن سے ایران اور چند اسلامی ممالک میں رمضان المبارک کا آغاز ہو گیا ہے۔