ایران، ہندوستان کے صدر کو مبارکباد
Jul ۲۷, ۲۰۱۷ ۱۲:۵۲ Asia/Tehran
ایران کے صدر نے ہندوستان کے نئے صدر کو مبارکباد دی ہے۔
اسلامی جمہوریہ ایران کے صدر حسن روحانی نے ہندوستان کے نئے صدر رام ناتھ كوویند کو صدر منتخب ہونے پر مبارکباد دیتے ہوئے تمام شعبوں میں دونوں ممالک کے تعلقات کے فروغ پر تاکید کی ۔
صدر مملکت حسن روحانی نے اپنے تہنیتی پیغام میں کہا کہ ایشیا میں دونوں ممالک کی ثقافت، تمدن اور باہمی تعاون ہمیشہ ہی روابط کے فروغ کا باعث بنے جس سے دونوں ممالک کے روابط نئے مرحلے میں داخل ہو گئے۔
واضح رہے کہ 17 جولائی کو ہونے والے صدارتی انتخابات میں قومی جمہوری اتحاد کے امیدوار رام ناتھ كوویند نے اپوزیشن کی امیدوار میرا کمار کو بھاری ووٹوں سے شکست دے کر کامیابی حاصل کی ۔
انہیں الیکٹورل کالج کے کل ووٹوں میں سے 65.65 فیصد ووٹ جبکہ محترمہ میرا کمار کو 34.35 فیصد ووٹ ملے ۔
