سال نو کی مناسبت سے صدر روحانی کا تہنیتی پیغام
Dec ۳۱, ۲۰۱۷ ۲۰:۰۷ Asia/Tehran
اسلامی جمہوریہ ایران کے صدر ڈاکٹر حسن روحانی نے اپنے پیغام میں نئے عیسوی سال کے آغاز کی مبارکباد پیش کی ہے۔
صدر مملکت ڈاکٹر حسن روحانی نے نئے عیسوی سال کے آغاز کی مناسبت سے ایران کی عیسائی برادری کے نام اپنے تہنیتی پیغام میں کہا کہ ایران سبھی ایرانیوں خواہ وہ مسلمان ہوں، عیسائی ہوں، یہودی ہوں یا زرتشتی ہوں سب کا گھر اور وطن ہے۔
انہوں نے کہا کہ تمام ادیان الہی کا احترام اسلام رحمانی کی گرانقدر تعلیم ہے۔ صدر ڈاکٹر حسن روحانی نے کہا کہ حضرت عیسی علیہ السلام کی تعلیمات انسانیت کے لئے معنویت امن و دوستی سے سرشار ہیں۔
انہوں نے کہا کہ حضرت عیسی علیہ السلام کی پاکیزہ حیات اور ان کی تعلیمات سب کے لئے مشعل راہ ہونی چاہئیں اور آج ہم سب کو پیغمبران الہی کی تعلیمات کی پیروی کرنے کی اشد ضرورت ہے۔
