SAHAR

چین نے ایران کے خلاف امریکہ کی یکطرفہ پابندیوں کو مسترد کردیاہے۔

شینہوا کی رپورٹ کے مطابق چین کی وزارت خارجہ کے ترجمان جنگ شوانگ  نے مشترکہ ایٹمی معاہدے پر ایران کی طرف سے عمل در آمد جاری رکھنے کی تعریف اور قدردانی کرتے ہوئے کہا ہے کہ چین ایران کے خلاف امریکی پابندیوں کو تسلیم نہیں کرےگا۔

چینی وزارت خارجہ کے ترجمان نے کہا کہ مشترکہ ایٹمی معاہدہ چند جانبہ معاہدہ ہے جسے سکیورٹی کونسل کی بھی منظوری حاصل ہے یہ معاہدہ مشرق وسطی میں امن واستحکام کے قیام اور ایٹمی ہتھیاروں کے عدم پھیلاؤ کے سلسلے میں اہم ہے امریکہ اس پرعمل کرنے کے بجائے اس سے نکل گیا ، امریکہ عالمی سطح پر عدم استحکام پیدا کرنے کی کوشش کررہا ہے اور چین امریکہ کے ایسے اقدامات کو مسترد کرتا ہے۔