SAHAR

اسلامی جمہوریہ ایران اور پاکستان کے درمیان سرحدی نشست کا انعقاد کیا گیا جس میں مشترکہ تعاون کو مضبوط بنانے، انسداد دہشتگردی اور غیرقانونی نقل و حرکت کو روکنے پر اتفاق کیا گیا.

پاکستان کے صوبہ بلوچستان کے علاقے چاغی کے ڈپٹی کمشنر فتح خان خجک کی قیادت میں پاکستانی وفد نے میرجاوہ کے علاقے میں ایرانی حکام سے ملاقات کی.اس موقع پر فریقین نے ایران و پاکستان سرحد پر اٹھائے جانے والے سیکورٹی اقدامات کا جائزہ لیا.انہوں نے انسداد دہشتگردی، انسانی اسمگلنگ اور منشیات کی روک تھام کے لئے مشترکہ تعاون کو مزید بڑھانے پر اتفاق کیا۔

یاد رہے کہ 18 جولائی کو اسلام آباد میں ایران اور پاکستان کے اعلی سطحی سرحدی کمیشن کے دوسرے اجلاس کا انعقاد کیا گیا جس میں دونوں ممالک نے سرحدی تعاون کو مزید موثر بنانے پر اتفاق کیا.