SAHAR

ایران کے وزیر خارجہ اپنے فرانسیسی ہم منصب کی دعوت پر جی سیون سربراہی اجلاس کے مقام پر پہنچ گئے ہیں۔

ایران کی وزارت خارجہ کے ترجمان نے اپنے ایک ٹوئٹ میں اس خبر کی تصدیق کرتے ہوئے لکھا ہے کہ فرانس کے وزیر خارجہ جان ایوے لودریان نے وزیر خارجہ ڈاکٹر محمد جواد ظریف کو جی سیون سربراہی اجلاس میں آنے کی دعوت دی ہے۔

فرانسیسی وزیر خارجہ کے اس اقدام کا مقصد ایران اور فرانس کے صدور کے درمیان ٹیلی فون پر ہونے والے مذاکرات کو آگے بڑھانا بتایا گیا ہے۔

عباس موسوی کے ٹوئیٹ میں کہا گیا ہے کہ وزیر خارجہ جی سیون اجلاس کے مقام پر موجود ہیں تاہم وہ کسی بھی امریکی عہدیدار یا امریکی وفد سے ملاقات نہیں کریں گے۔

سات صنعتی ملکوں کے گروپ، جی سیون کا پینتالیسواں سربراہی اجلاس فرانس کے تفریحی شہر بیارٹس میں جاری ہے جس کی صدارت فرانس کے صدر عمانوئیل میکرون کر رہے ہیں۔