SAHAR

اسلامی جمہوریہ ایران کے وزیر خارجہ اقوام متحدہ کی کے اجلاس میں شرکت کے لئے آج صبح نیویارک روانہ ہو گئے۔

اسلامی جمہوریہ ایران کے وزیر خارجہ محمد جواد ظریف اقوام متحدہ کی جنرل اسمبلی کے 74 ویں اجلاس میں شرکت کے لئے آج صبح نیویارک روانہ ہو گئے۔

وزارت خارجہ کے ترجمان سید عباس موسوی نے کہا ہے کہ وزیر خارجہ جنرل اسمبلی کے 74 ویں اجلاس میں شرکت کریں گے۔

واضح رہے کہ محمد جواد ظریف کو 16 ستمبر کو نیویارک جانا تھا تاہم امریکہ نے ایک اور دشمنانہ اقدام کے ذریعے ایران کے وزیر خارجہ کے ویزا میں رکاوٹیں کھڑی کرنے کی کوشش کی جس کی وجہ سے محمد جواد ظریف کے دورے میں تاخیر ہوئی۔