SAHAR

دنیا کے حریت پسندوں بالخصوص عالم اسلام جنرل قاسم سلیمانی کے سوگ میں غرق ہے۔

ایرانی قوم کا چمکتا ہوا ستارہ اپنے خالق حقیقی سے جا ملا، یہ خبر دلسوز تھی کسی میں بھی اس کو سننے کی تاب نہیں تھی۔ پورا ایران سیاہ پوش ہو گیا۔ ایران کے گوشہ و کنار  سے نماز جمعہ کے بعد امریکا کے جرائم کی مذمت اور ایرانی حکومت سے ہمدردی کا اظہار کرنے کے لئے مظاہرے اور ریلیاں نکالی گئیں۔

جنرل قاسم سلیمانی کا تعلق کرمان سے تھا۔ آج کرمان شہر سب سے بڑا عزادار تھا۔ کرمان شہر میں بھی جلوس اور ریلیاں نکالی گئیں جبکہ قم المقدس، مشہد اور تہران سمیت تمام چھوٹے بڑے شہروں اور قصبوں میں تعزیتی جلوس اور ریلیاں نکالی گئیں۔

اسی طرح ہندوستان کے زیر انتظام کشمیر کے لداخ علاقے میں بھی علماء اور عوام نے زبردست جلوس نکالا۔ پاکستان سے بھی جلوس اور ریلیوں کے نکالے جانے کی خبر ہے۔