غزہ میں صیہونی حکومت کی جانب سے جنگ بندی کی خلاف ورزی کا سلسلہ جاری ، متعدد فلسطینی شہید اور زخمی

Feb ۱۶, ۲۰۲۶ ۲۰:۴۷ Asia/Tehran

غزہ کی وزارت صحت نے اعلان کیا ہے کہ اس علاقے میں گزشتہ چوبیس گھنٹوں کے دوران مزید دو فلسطینی شہید اور گيارہ زخمی ہوئے ہیں۔

سحرنیوز/عالم اسلام: گيارہ اکتوبر دوہزار پچیس کو جنگ بندی کا اعلان ہونے کے بعد سے اب تک چھ سو تیس افراد شہید اور سولہ سو اٹھاہ زخمی ہو چکے ہیں اور سات سو چھبیس شہداء کی لاشیں بھی مل چکی ہیں۔

اس رپورٹ کے مطابق سات اکتوبر دوہزار تیئیس کو غزہ جنگ کے آغاز سے اب تک بہتر ہزار ترسٹھ افراد شہید اور ایک لاکھ اکہتر ہزار سات سو چھبیس زخمی ہو چکے ہیں۔

دوسری جانب تحریک حماس نے کہاہےکہ صیہونی حکومت رفح کراسنگ کھولنےکے بعد جنگ بندی معاہدے کی خلاف ورزی جاری رکھتے ہوئے غزہ واپس آنے والوں پر تشدد کر رہی ہے-

ہمیں فالو کریں:

تحریک حماس نے ایک بیان میں کہا ہے کہ طویل عرصے کے بعد رفح کراسنگ کو دوبارہ کھولنے کے بعد صیہونی حکومت جنگ بندی معاہدے کی خلاف ورزیاں جاری رکھے ہوئے ہے اور غزہ کی پٹی میں واپسی کا ارادہ رکھنے والے لوگوں کے ساتھ پرتشدد رویہ اپنائے ہوئے ہے - حماس کے مطابق ان اقدامات میں جسمانی اور نفسیاتی طور پر ہراساں کرنا اور سخت پوچھ گچھ شامل ہیں۔