لبنان کے خلاف صیہونی حکومت کی جارحیت کا سلسلہ جاری

Feb ۱۶, ۲۰۲۶ ۲۰:۱۹ Asia/Tehran

صیہونی حکومت نے جنوبی لبنان کے خلاف اپنی جارحیت جاری رکھتےہوئے دو گاڑیوں کو ڈرون حملے کا نشانہ بنایا-

سحرنیوز/عالم اسلام: صیہونی حکومت نے جنوبی لبنان میں بنت جبیل میں واقع "حانین" کے علاقے میں دو کاروں کو ڈرون حملے سے نشانہ بنایا۔صیہونی فوج نے دعوی کیا ہے کہ اس نے حملے میں حزب اللہ کے ایک رکن کو نشانہ بنایا ہے- بعض لبنانی ذرائع نے اس حملے میں ایک عام شہری کے شہید ہونے کی اطلاع دی ہے۔حال ہی میں ایک صیہونی ڈرون نے لبنان اور شام کی سرحد پر مصنع اور جدیدہ یابوس کراسنگ کے درمیان ایک گاڑی کو نشانہ بنایا تھا جس کے نتیجے میں چار افراد شہید ہوئے تھے۔

ہمیں فالو کریں:

حالیہ ہفتوں میں لبنان کے سرحدی علاقوں میں صیہونی حکومت کے فضائی اور ڈرون حملوں کے متعدد واقعات رپورٹ ہوئے ہیں۔جنگ بندی کے قیام کے بعد سے صیہونی حکومت نے ہزاروں بار جنگ بندی کی خلاف ورزی کی ہے اور جنوبی لبنان کے خلاف فوجی جارحیت کے ذریعے اس ملک کے سینکڑوں شہریوں کو شہید یا زخمی کیا ہے۔ دوسری طرف جنگ بندی کے نفاذ کی نگرانی کرنے والی کمیٹی نے ان حملوں کو روکنے کے لیے کوئی عملی اقدام نہیں کیاہے۔