SAHAR

ایران کی وزارت خارجہ کے سینیئر عہدیدار مہدی محمودی نے یہ بات ایران میں اقوام متحدہ نمائندے برائے گزیناں سے گفتگو کرتے ہوئے کہی۔ انہوں نے کہا کہ ایران چالیس برس پناہگزینوں اور تارکین وطن کو بہترین خدمات فراہم کر رہا ہے اور ہم اپنے تجربات دوسرے ملکوں کو منتقل کرنے کے لیے تیار ہیں۔ 

مہدی محمودی نے امید ظاہر کی کہ  نئے عیسوی سال کے دوران غیرملکی پناہ گزینوں اور شہریوں کے امور سے متعلق بین الاقوامی تنظیموں اور ایران کے درمیان تعاون کی نئی اسٹریٹجی پر عملدرآمد شروع کیا جاسکے گا۔ انہوں نے کہا کہ ایران سمجھتا ہے کہ پناہگزینوں اور تارکین وطن کی خدمات کے حوالے سے بہترین اور انسانی فیصلے کیے جائیں گے۔  

اس موقع پر ایران میں اقوام متحدہ کے نمائندے برائے امور پناہگزیناں ایوو فریسن  نے پناہ گزینوں کیلئے خدمات کی فراہمی پر ایران کا شکریہ ادا کیا۔ 

انہوں نے اس امید کا اظہارکیا کہ نئے عیسوی سال کے دوران، ایران، افغانستان اور پاکستان کے تعاون سے پناہ گزینوں کے شعبے میں دیگر بین الاقوامی تنظیموں کی شرکت کیلئے ایک نئے میکنزم کا بند و بست کیا جائے گا۔