SAHAR

 ہفتے کے روز انسداد کورونا ہیڈ کواٹر میں مختلف کمیٹیوں کے اجلاس سے خطاب کرتے ہوئے صدر حسن روحانی نے امید ظاہر کی کہ نوجواں سائنسدانوں کی علمی صلاحیتوں اور کاوشوں کو دیکھتے ہوئے کورونا ویکسین کی اندرون ملک تیاری دشوار نہیں ہو گی۔ 

 انہوں نے کہا کہ یہ بات انتہائی اہمیت کی حامل ہے کہ ایرانی ماہرین اندرون ملک انجام  پانے والی تحقیقات اور دنیا کے دیگر ملکوں کے ساتھ اپنے تجربات اور تحقیقات کے تبادلے کے ذریعے، کورونا وائرس کے بیہیویئر کو سمجھنے اور اس کے بڑھنے کا راستہ روکنے کی راہوں کے قریب پہنچ گئے ہیں۔

 صدر ایران نے ملک میں اسمارٹ سوشل ڈسٹینسگ کے قومی منصوبے کی جانب اشارہ کرتے ہوئے کہا کہ یہ منصوبہ عالمی ادارہ صحت کے بیان کردہ اصولوں کے مطابق مگر ایرانیوں کے طرز زندگی کو ملحوظ خاطر رکھتے ہوئے تیار کیا گیا ہے۔