SAHAR

سانس فراہم کرنے والی اس مشین کی تیاری میں تہران یونیورسٹی اور پولیمر اینڈ پیٹروکیمیکل ریسرچ انسٹی ٹیوٹ کے ماہرین نے ایک دوسرے سے تعاون کیا ہے۔ مشین تیار کرنے والے ماہرین کا کہنا ہے کہ وہ اس مشین کے تیاری کے آسان اور سادہ طریقہ کار کو اوپن سورس کے طور پر پیش کریں گے تاکہ کوئی بھی مہارت رکھنے والا شخص اسے آسانی کے ساتھ بنا کر اپنے علاقے میں موجود مریضوں کے لیے استعمال کر سکے۔

ادھر ایک اور پیشرفت میں تہران کی امیر کبیر یونیورسٹی آف ٹیکنالوجی کے ماہرین کے تیار کردہ پلس آکسی میٹر سسٹم کی رونمائی کی گئی ہے۔

پی او میڈ- نائنٹی کے تجارتی نام کے ساتھ تیار کیا جانے والا یہ سسٹم انگلی کے ذریعے حاصل ہونے والے ڈیٹا کی مدد سے دل کی دھڑکن اور خون میں آکسیجن کی مقدار کا پتہ لگانے کے ساتھ ساتھ ڈاکٹروں کو مریض کی عمومی صورتحال کا مختصر جائزہ بھی فراہم کرتا ہے۔ 

اس سسٹم کا استعمال قرنطینہ اور سوشل ڈسٹینسنگ منصوبے کے دوران کورونا کی تشخیص اور اسکریننگ کی غرض سے استعمال ہونے والے عام تھرمل ڈی ٹیکٹر سے زیادہ موثر واقع ہوگا۔ 

توقع ہے یہ دونوں آلات امریکہ کی غیر قانونی پابندیوں کے دور میں ایران کے میڈیکل سیکٹر کی ضروریات کافی حدتک پوری کرنے میں کامیاب رہیں گی۔