SAHAR

اسلامی جمہوریہ ایران کے وزیر خارجہ نے ترکی میں آنے والے شدید زلزلے پر ترک حکومت اور عوام سے اظہار ہمدردی کی ہے۔

اسلامی جمہوریہ ایران کے وزیر خارجہ محمد جواد ظریف نے جمعے کو ترکی میں آئے شدید زلزلے پر ایرانی قوم کی جانب سے ترکی کے عوام کے سے اظہار ہمدردی کی ہے۔

وزارت خارجہ کے مطابق جواد ظریف نے ترکی کے ہم منصب مولود چاووش اوغلو کے نام ٹوئٹ کیا۔

جواد ظریف نے اپنے ٹوئٹ میں انہوں نے زلزلے کے متاثرین سے اظہار ہمدردی کرتے ہوئے زخمیوں کی جلد از جلد شفایابی کی دعا کی۔

انہوں نے ایران کی جانب سے ترکی کے زلزلہ متاثرین کی ہر طرح سے مدد کی بات کہی ہے۔

واضح رہے کہ ترکی میں جمعے کے روز شدید زلزلہ آیا جس میں سیکڑوں افراد ہلاک اور زخمی ہو چکے ہیں۔