ایشیا ویژن نیوز فیسٹیول میں ایران کی دھوم
ایران کے نشریاتی ادارے آئی آر آئی بی کی ارسال کردہ نیوز اسٹوریز کو ایشیا پیسفک براڈ کاسٹنگ یونین کے زیر اہتمام منعقدہ ایشیا ویژن نیوز فیسٹیول کی بہترین نیوز اسٹوری قرار دیا گیا ہے۔
ہمارے نمائندے کے مطابق ایشیا ویژن فیسٹیول کے لیے اس سال ایک ہزار سے زائد نیوز اسٹوریز ارسال کی گئی تھیں جن میں سے جیوری ٹیم نے سات مختلف شعبوں میں سو بہترین اسٹوریز کا انتخاب کرکے انہیں انعام کا حقدار قرار دیا۔ ایران کے نشریاتی ادارے آئی آر آئی بی کو بہترین اور فوری نیوز کوریج کا پہلا انعام دیا گیا جبکہ بہترین نیوز رپورٹنگ اور بہترین نیوز فوٹیج کے شعبوں میں بھی خصوصی انعام سے نوازا گیا۔
ایشیا پیسفک براڈ کاسٹنگ یونین کا قیام انیس سو چوراسی میں عمل میں آیا تھا اور یہ ادارہ ایشیائی ملکوں کے ریڈیو اور ٹیلی ویژن اسٹیشنوں کے درمیان، اہم علاقائی خـبروں اور فوٹیج کے تبادلے کا بہترین پلیٹ فارم شمار ہوتا ہے۔ ایشیا ویژن نیوز فیسٹیول آن لائن طریقے سے منعقد کیا گیا تھا۔
